Précieux document signé par Louis XI : instructions à son maître d’hôtel pour la réception du Roi de Portugal en 1477

Très précieux document signé par Louis XI, donnant des instructions précises à son maître d'hôtel pour la réception du roi de Castille, Leon et Portugal [Alphonse V de Portugal (1432-1481)]. Ce document s'inscrit dans la Guerre de succession de Castille, qui voit s'opposer Alphonse V de Portugal soutenu par le roi de France Louis XI, à Isabelle la Catholique, soutenue par son époux, Ferdinand le Catholique.

[en haut, mention postérieure] : "ordre signé du Roy à l’adresse de messire Anthoine de Foudras chevallier seigneur de Coursenay conseiller et maistre d’hostel ordinaire du Roy pour le passage du Roy de Castille Leon et de Portugal du 14 juillet 1477.

« Instruction à messire Anthoine de Foudras, chevalier, seigneur de Coursenay, conseiller et maistre d'ostel du Roy, de ce qu'il a à faire touchant le passage du Roy de Castille, de Léon et de Portugal.

Premièrement, s'en ira tout droit à Honnefleu [Honfleur] et baillera les lettres du Roy à messire Georges Goec, à Jaques de Mourougnon et à Jehan Marchant, et dira audit messire Georges Goec que le Roy veult et le prie, sur tout le service qu'il lui désire jamais faire, que incontinent il face mettre sus et armer tout le navire qu'il a, et face faire toutes ses vitailles prestes à mettre dedans le bort, au jour qui lui sera ordonné.

Item, et avec les dessus dis advisera tout l'autre navire qui sera propre et convenable pour passer ledit sire Roy, et le fera mettre par escript, pour incontinent en advertir le Roy. Et envoiera quérir tous les maistres et ceulx à qui appartiennent lesdis navires, et leur baillera les lettres du Roy, et parlera à eulx, et fera tant par doulceur, s'il peut, qu'ilz mettent incontinent leurs navires sus et prestz pour partir, et aussi facent faire les vitailles ; et, s'ilz ne veulent faire les dictes vitailles, fera qu'ilz mettent ledit navire sus, et, s'ilz en estoient refusans, les fera mettre en prison et commettra gens qui à leurs despens mettront lesdis navires sus.

Item, par le conseil des dessus dis et autres qu'il appellera, advisera combien il fault de mariniers et autres gens pour conduire, maréer et équipper lesdis navires, et mandera tous les lieuxtenans de Monseigneur l’Amiral, et saura tous les mariniers, gens de guerre et autres qui ont acoustumé suyvre  et fréquenter la mer, et, par rooles, ordonnera à chascun navire le nombre des hommes qui y sera nécessaire, et baillera à chascun lieutenant sur sa vie de lui fournir le nombre qui aura esté advisé, et fera loial département par les lieutenances et lieux selon le nombre des hommes qui y seront trouvez propres pour faire ledit maréage.

Item, et par l'advis des dessus dis saura quel nombre de vitailles il fault pour chascun des dis navires, et ordonnera que chascun maistre face faire ses vitailles, et saura les lieux et les personnes affin qu'il n'y ait point de faulte, et pour chascun navire mettra ung contrerolleur qui prendra garde sur les dictes vitailles, et parlera souvent à eulx, et saura comme les choses s'avanceront affin que tout voyse d'un trayn et ensemble, et qu'il n'y ait point de faulte et que tout ne soit prest au jour qui sera ordonné.

Item, et pour ce qu'il y a des boulengiers qui sont povres et n'auroient pas de quoi achater du blé pour faire le bescuyt, leur en fera délivrer par les marchans qui en ont et ouvrir les greniers et y en prendre par compte. Et aussi fera diligence de faire arrester les beufz et vaches es erbages d'Auge et autres prouchains lieux de Honnefleu, affin que l'on les ait toutes prestes pour faire l’achat des dictes vitailles, au temps qu'il advisera par le conseil des dessus dis et autres congnoissans en telles matières.

Item, parlera aux brasseurs, et fera faire les byères nécessaires pour les dictes vitailles, et ordonnera à chascun brasseur combien il en fournira, et asseurera les boulengiers, brasseurs et bouchiers d'avoir leur argent en délivrant les dictes vitailles.

Item, et si tost qu'il sera arrivé, arrestera tous les grans navires, afin que ceulx à qui ilz sont ne les puissent divertir, de doubte de faire le passage.

Item, et s'il retournoit cependant des navires de guerre de la mer qui fussent tous équippez, fera arrester tous lesdis navires et équippages affin qu'ils soient tous prestz de partir et aussi regarder quel nombre de vitailles il aura dedens, affin d'y faire fournir le surplus.

Item, et de ce qu'il fera et trouvera, advertira souvent le Roy de tout à la vérité.

Fait à Arras le xiiii^e jour de juillet l'an M CCCC soixante dix sept.

Loys"

Mention de provenance en haut de la deuxième page : "Donné par le marquis de Foudras à monsieur Denis député du Var".

Bibliographie : Mémoires de l'Académie d'Arras, 1863, Tome XXXV, pp. 98-100.